Ajo i kalon ditët duke komanduar meshkujt, por Theresa May zbulon se kur ajo kthehet në shtëpi te bashkëshorti i saj nuk ndryshon asgjë.
Kryeministrja britanike thotë se ajo vesh “pantallonat” në marrëdhënie, gjatë një interviste të radhës të realizuar në shtëpinë e saj, ku jeton me bashkëshortin Philip.
Duke folur për jetën e saj private gjatë intervistës për “Vogue”, politikania tregon se 59-vjeçari Philip gatuan një rizoto shumë të mirë me kërpudha dhe madje lanë edhe pjatat pas kësaj.
Duke e cilësuar Philip si bashkëshortin perfekt, Theresa May e përshkruan atë si “shumë mbështetës” dhe tregoi sesi lidhja e tyre ishte zhvilluar me kalimin e kohës.
Pavarësisht kësaj, May pranon se ajo dhe Philip debatojnë për të njëjtat gjëra si çiftet e tjera, si çfarë duhet të shohin në televizor, ndërsa ai preferon dokumentarët historikë, ajo zgjedh dramën.
“Mendoj se zihemi për të njëjtat gjëra si shumica e njerëzve, p.sh. kush e ka telekomandën? Dhe çfarë do të shohim sot”, shprehet kryeministrja britanike.
Ndërsa për gatimin u shpreh: “Unë gatuaj, sepse më pëlqen të gatuaj. Ai ka një apo dy receta që i përgatit vetëm ai. Jeta si bashkëshorti i një politikaneje nënkupton se duhet të mësosh të gatuash për veten”
Së fundmi një foto mes saj dhe Donald Trump, ku u shfaqën duke shtrënguar duart, u përfol shumë. Por Theresa May sqaroi: “Mendoj se ai thjesht po tregohej xhentëlmen, pasi kishte një devijim të rrugës”.
Në njërën prej fotove, May shihet e ulur në një divan të gjelbër, e veshur me një pallto dhe fustan të realizuar nga “L.K. Bennett”, një markë e preferuar edhe e Dukeshës së Kembrixhit.
Burimi: Daily Mail
