Kryeministri Edi Rama ka vizituar efektiven e plagosur gjatë protestës së dhunshme të banorëve të Astirit, banesat e të cilëve preken nga projekti i Unazës së Madhe.
Kreu i qeverisë publikoi një foto në Instagram, ku shihej duke puthur në ballë efektiven Ina, e cila humbi gishtat pas gjuajtjes me kapsollë në protestë.
Rama tha se Ina do të dërgohet në Stamboll për t’iu nënshtruar një operacioni të gjatë dhe të vështirë, ndërsa i dhuroi edhe një celular iPhone X.
“Ina është një vajzë fantastike, që i përballon me buzëqeshjen e njeriut superkurajoz pasojat e krimit brutal mbi të? Në Policinë e Shtetit ajo s’ka hyrë për të bërë një punë, po për një pasion të ushqyer me nota të larta në shkollë, e me stërvitje të përditshme në vijim? Sapo i thashë se gjithçka po bëhet gati për një operacion të gjatë e të vështirë në Stamboll dhe do ta nisim nesër✈️ Më kërkoi t’i premtoj se kur të rimarrë kontrollin mbi duart, do të bëjmë një ndeshje? Patjetër Ina, të shkuara dhe krenar për ty?
24-vjeçarja, efektive e repartit “Shqiponja”, duke treguar momentin e plagosjes tha se kapsolla i plasi në dorë ndërsa po e largonte nga qafa.
“Ishim me shërbim te Parlamenti për protestën. Situata agravoi dhe turma nisi të shtynte. Isha në rreshtin e dytë dhe një nga këto plasëset më ra në trup dhe u mundova ta shmang me dorën e djathtë, pasi e kisha në pjesën e qafës” ka treguar Nuka.
