Përmes një videomesazhi, kryeministri Edi Rama tha se objektivi i qeverisë është që brenda 2020-s të gjithë banorët e fshatit që kanë humbur shtëpinë, do ta gëzojnë Vitin e Ri në një shtëpi të re.
Rama shtoi se brenda qershorit 2021, ata që kanë humbur shtëpinë në qytete do të jenë në apartamente të reja.
Konferenca ndërkombëtare e donatorëve do të mbahet në Tiranë mes fundit të janarit 2020 ose fillimit të shkurtit. Koha e mbajtjes do të jetë në varësi të daljes së raportit të dëmeve nga tërmeti.
Nga ana tjetër ai theksoi se vazhdojnë hetimet për të dokumentuar përgjegjësitë e çdo kahu dhe niveli për dëmet e shkaktuara pas tërmetit si pasojë e abuzimeve në ndërtim.
“Brenda 2020-s banorët e fshatit do ta gëzojnë vitin e ri në një shtëpi të re, brenda qershorit 2021 ato të qyteteve të jenë në apartamente të reja. Vazhdojnë intensivisht hetimet për të dokumentuar përgjegjësit e çdo kahu e niveli për dëmet e shkaktuara si pasojë e abuzimeve në ndërtim. Sot janë kryer arrestimet e para, mos dëgjoni ato që gam-gamosin përnatë pse nuk kanë arrestime. Nuk dinë se si është puna, s’di gjë tjetër vec llafeve. një merak dua ta ndaj me ju. Arsyeja pse po ju shqetësoj me këtë mesazh. Opozita inekzistente në detyrën e saj, përveç daljeve sporadike”, u shpreh Rama.
