Vetëm pak minuta më parë, Kryeministri Rama doli në një lidhje direkte në faqen e tij zyrtare në Facebook, duke u shprehur krenar me solidarizimin e popullit me këtë situatë dhe mirëkuptimin e tyre.
Rastet e shkeljes së rregullave ditën e sotme kanë qenë thuajse të papërfshillshme, siç është shprehur Rama, mirëpo për t’u mbrojtur nga epidemia do të duhet të heqim dorë nga zakohet e jetës normale.
Sipas kryeministrit, kjo është një luftë që do të zgjasë, ndaj do shumë durim.
Rama paralajmëron se masat ndaluese do të vazhdojnë dhe për më tepër do të përshkallëzohen.
“Kush do të kapet në qarkullim, në thyerje të rregullores së emergjencës, mund ta humbasë patentën përfundimisht dhe të ndalohet për disa vjet të hyjë në kurs për ta marrë.
Kush do të luajë me çmimet e ushqimeve e të barnave, mund ta humbasë përfundimisht të drejtën të tregtojë ushqime e barna dhe me radhë.”- shprehet kryeministri.
Ai tregoi se ka një sërë sanksionesh të reja që po përgatiten, për t’i ardhur në ndihmë popullit dhe për të ndëshkuar personat që vendosin në rrezik veten dhe të tjerët pranë tyre.
https://www.facebook.com/edirama.al/videos/237363444104753/?__xts__[0]=68.ARBAixJrTFJyn0S4H25mE12lefrGZK-NoitDVBBxx7-uJ0TKfwMGrXjz0YIVNZU2Tc4EbR_5QJCTSmKy59u4arsKd1c1wjV5o8moirmtbUJ67pJZp64NFS7Ep3q2oq531SSWz4UH1TsOWyLxp7h5cy-uPGCADXC5QGozDkZTknupGoplhVoqlkWQafQlEsTieg1IX9BrBLjHR4WnLMI9dE-AyYBvVxrh_XM5nZKLk7qtxM9wuh6UsGm6NCPupOp89iIyESTAup-GAoiEyPR-JIXujxWZ1gjmDJiRity7aIN3eA_82yR16AqVvUpd3M9njIhqO7xvhynkBED_48GkZNqA3i0&__tn__=-R
