Kryeministri i Greqisë, Kyriakos Mitsotakis, ka nderuar ditën e sotme, shqiptarin Ledian Goga duke i dhënë shtetësinë greke, si shenjë mirënjohjeje për aktin e tij të guximit dhe humanizmit.
Në qershor të vitit 2025, Goga rrezikoi jetën e tij për të shpëtuar dy djem të mitur, 14 dhe 15 vjeç, të cilët po mbyteshin në lumin Arachthos, pranë zonës Neochori. Ai nuk hezitoi asnjë çast të hidhej në ujërat e rrëmbyeshëm, duke bërë të mundur nxjerrjen e tyre të gjallë nga rreziku. Ky veprim u përshkrua si një akt i jashtëzakonshëm vetëflijimi dhe solidariteti.
Mitsotakis e vlerësoi publikisht gjestin e Gogës përmes një postimi në Facebook, ku u shpreh:
“Ledian Goga në qershor 2025 rrezikoi jetën për të shpëtuar dy fëmijë nga uji i rrëmbyeshëm i lumit Arachthos. Një akt heroizmi dhe humanizmi i rrallë. Sot, ai është nderuar me shtetësi greke. I shprehim falënderimet tona!”
Ky vendim i qeverisë greke u mirëprit edhe nga opinioni publik, duke e cilësuar Gogën si simbol të guximit dhe shembull frymëzues për të gjithë. Për shumë qytetarë, ky akt dëshmon se mirësia dhe humanizmi nuk njohin kufij kombëtarë.
Akti i shqiptarit u vlerësua shumë si nga mediat greke ashtu edhe nga ato shqiptare. Mirëpo, dy fëmijët nuk ia dolën dot të jetonin…
