Kryeministri i Kanadasë Justin Trudeau cilësohet si një ndër liderat më karizmatik dhe më të pashëm në botë. Ai mban vendin e parë në listën e liderëve më seksi dhe lakohet jo vetëm për çështjet politike, por edhe për pamjen e tij të jashtme.
Mirëpo dje kryeministri seksi ka lënë nam dhe një video e tij po bën xhiron e rrjetit. Ndërsa ishte duke folur në një konferencë për shtyp në kuadër të samitit të G7, atij i kanë rënë vetullat.
Me sa duket Trudeau vendos vetulla fallco për të plotësuar ato të vetat, por duke qenë se nuk i janë ngjitur mirë, ato i kanë rënë duke e bërë gazin e botës. Video-ja e tij tashmë po bën xhiron e rrjetit dhe të gjithë po flasin për të.
“Vetullat fallco të Justin Trudeau po bien. Ndihem i turpëruar për miliona kanadez që meritojnë më mirë se ky kryeministër”, shkroi një mbështetës i Trump në Twitter.
