Kryeministri grek, Kyriakos Mitsotakis ka thënë se nëse gjithçka shkon në këto ritme në mes të pandemisë së koronavirusit, skenari më i mirë është hapja e sezonit turistik më 1 korrik.
Në një intervistë për CNN, kryeministri tha se Greqia nuk është e varur nga turizmi i huaj si Portugalia apo Spanja.
“Të gjitha vendet europiane janë të varura nga turizmi. Skenari më i mirë është që Greqia të hapet për bizneset më 1 korrik dhe ne po punojmë për këtë. Sigurisht, kjo përfshin linjat ajrore pasi pjesa më e madhe fluturojnë drejt Greqisë, por shumë strikte dhe me protokolle të detyrueshme”.
Kryeministri tha për CNN të hënën se suksesi i ndalimit të përhapjes së pandemisë në Greqi deri më tani i ka bërë grekët të ndihen krenarë.
Mitsotakis theksoi se megjithëse vera e ardhshme do të jetë shumë e ndryshme, qytetarët tani kanë zhvilluar një besim të ri në shtet dhe në ekspertët e shëndetit.
“Do të jetë një verë ndryshe por ne shpresojmë që e keqja është pas nesh. Ndoshta nuk do të ketë lokale të hapura, por turistët mund të përjetojnë një eksperiencë fantastike. Ajo që unë e mbaj si trashëgimi të kësaj krize është ndjenja e suksesit kolektiv dhe guxoj ta përdor fjalën krenari. Grekët nuk kanë qenë krenarë në një kohë të gjatë dhe të gjatë. Për dhjetë vjet, ne ishim çanta goditëse e Evropës”, tha kryeministri.
/CNN
