Alarmohet spitali psikiatrik i Elbasanit, pasi kryeinfermierja e tij ka rezultuar e infektuar me koronavirus.
Burime për abcnews.al bëjnë të ditur se kryeinfermierja ka pasur kontakte me një pjesë të madhe të stafit të këtij spitali.
Ajo dyshohet të ketë infektuar edhe dy pacientë. Në këtë spital janë rreth 350 pacientë që kanë vite që trajtohen dhe një staf prej afro 120 punonjësish.
Mësohet se prej një jave spitali psikiatrik “Sadik Dinçi” ka mbyllur edhe pavionin e urgjencës dhe nuk kryen asnjë shtrim.
Gjatë 24 orëve të fundit në vendin tonë janë kryer 820 testime dhe 133 persona janë konfirmuar pozitivë me COVID-19.
Aktualisht në spitalin Infektiv dhe “Shefqet Ndroqi” po trajtohen 180 pacientë të konfirmuar pozitivë me Covid-19, 17 në terapi intensive nga të cilët vetëm 6 pacientë janë të intubuar.
/abcnews.al
