Katër shtetas kanë rënë në pranga në Krujë dhe dy të tjerë u shpallën në kërkim, pasi akuzohen se kanë shfrytëzuar seksualisht një 17-vjeçare duke e detyruar atë të merrte drogë.
Pas një hetimi 8-mujor, policia arrestoi shtetasit E. C. (Ç)., 28 vjeç, banues në fshatin Nikël, Krujë; F. L., 25 vjeç, banues në fshatin Borizanë, Krujë, i dënuar më parë për veprën penale “Prodhimi dhe shitja e narkotikëve”, në Itali; L. S., 17 vjeç dhe A. Sh., 26 vjeç, banues në Krujë;
Gjithashtu janë shpallur në kërkim shtetasit A. B., 23 vjeç, i dënuar më parë për veprën penale “Drejtim i automjeteve në mënyrë të parregullt” dhe A. M., 17 vjeç, të dy banues në Krujë dhe vijon puna për kapjen e tyre.
Lëta shtetas kanë nxitur për përdorimin e drogës një 17-vjeçare dhe e kanë shfrytëzuar seksualisht atë. Ata madje ushtronin veprimtari kriminale në fushën e kultivimit të kanabisit.
Materialet i kaluan Prokurorisë së Rrethit Gjyqësor Krujë, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Shfrytëzimi i prostitucionit”.
/Top Channel
