Krocia është tonditur nga një tërmet i fuqishëm këtë mëngjes me magnitudë 5.3 të shkallës Rihter.
Epiqendra e këtij tërmeti ishte në Kasina 7 kilometra në veri të Zagrebit ndërsa raportohet për një viktimë, një 15-vjeçar si dhe disa të plagosur, për të mos folur për dëmet e mëdha materiale.
Mediat raportojnë se ka pasur ndërtesa të dëmtuara, makina të shkatërruara nën rrënojat e ndërtesave dhe rrugë të bllokuara. Gjithashtu ka pasur të paktën 2 pas goditje, ndonëse në përmasa më të vogla, më e madhja me magnitudë 4.9 të shkallës Rihter.
Spitali Rebro ka pësuar disa dëmtime dhe u raportuan disa vatra zjarri, por fatmirësisht pa pasoja tragjike. Dëme ka konsiderueshme ka pasur edhe një nga katedralet më të famshme në Zagreb. Katedralja u rindërtua pasi u shemb në tërmetin e vitit 1880.
Posljedice potresa u Zagrebu pic.twitter.com/G5RFWmvTlM
— Media Servis (@mediaservishr) March 22, 2020
Tërmeti u ndje edhe në Bosnje Hercegovinë, Hungari, Slovveni dhe Austri dhe sipas mediave është ndër më të fuqishmit që është ndjerë ndonjë herë në vend.
Kroacia është një ndër shtetet që po lufton kundër përhapjes së koronavirusit, ku deri më tani janë konfirmuar pozitiv 206 persona dhe një viktimë.
