Blogerja e njohur shqiptare, Armina Mevlani, ka festuar dje 30-vjetorin e saj të lindjes me një super festë që do ta mbajë mend gjatë.
Ajo ka ftuar miqtë më specialë në një festë “Under the sea” (nëndet) dhe është veshur si një sirenë, duke shkëlqyer nga koka tek këmbët.
Sigurisht, në rrjete sociale s’mund të mungonin pamjet nga festa e paharrueshme e 30-vjetorit, mes muzikës, shkëlqimit të xixave të fustaneve, pijeve të mira e miqve të çmuar, ku u vu re mungesa e partnerit të saj, djalit të ish-kryeministrit Sali Berisha, Shkëlzenit.
Po ashtu, u vu re se ndryshe nga vitet e tjera, kësaj here mungoi dedikimi i tij për blogeren në rrjetet sociale, gjë që ka ngritur dyshimet për një krisje në marrëdhënien e çiftit.
Megjithatë ai nuk i ka fshirë nga rrjetet e tij sociale fotot me blogeren. Mbetet për t’u parë nëse mes çiftit ka krisje, apo Shkëzeni ka vendosur që ta urojë privatisht këtë herë.
Më herët, Armina ka realizuar një bisedë me ndjekësit e saj në rrjete sociale ku ka rrëfyer gjithçka, nga marrëdhënia me fëmijët e Shkëlzenit, tek raporti i saj me Sali Berishën.
E pyetur si i ke raportet me Sali Berishën dhe a takoheni shpesh, Armina ka dhënë një përgjigje mjaft pozitive.
“I kemi shumë të mira. Takohemi shumë shpesh dhe e vlersoj shumë për kulturën dhe dijen e tij”, ka shkruar ajo.
Armina është pyetur gjithashtu se ‘a është e vështirë marrëdhënia me një partner, i cili ka patur një martesë dhe fëmijë më parë’.
“Në jetë asgjë nuk është si në përralla, rëndësi ka që dashuria të jetë e fortë. Përsa kohë është ashtu këto nuk quhen me probleme, përkundrazi unë fëmijët e partnerit i dua shumë”, është përgjigjur ajo.
