Një tjetër debat ka shpërthyer në shtëpinë e “Big Brother”, këtë herë mes dy banoreve, Rozanës dhe Eglit. Së fundmi, një darkë romantike mes Laertit dhe Olës ka nxitur tensione, duke shkaktuar një përplasje mes dy vajzave. Eglit i është drejtuar Rozanës duke e quajtur të pabesë, ndërsa Rozana ka ngritur një pikëpyetje për raportin e Eglit me Gjestin, duke përshkallëzuar situatën. Të dyja palët kanë shkëmbyer fjalë të forta, duke ndezur diskutimin në shtëpi.
“Mbrëmë nuk e kuptova se si nisi ky debat, por mesa shoh, Egli kishte shumë mllefe në shpirtin e saj. Po, i kam thënë që Laerti e ka zemrën e zënë, por nuk i kam thënë kurrë që laerti bashkëjeton. Nuk kam thënë as që Laerti nuk krijon lidhje të reja. Eglit i kam thënë që nuk do e kem shoqe në shtëpi. Unë nuk e dija që Gjesti qënka një njeri i favorizuar në shtëpi. Çfarëdo lloj gjëje që i kam thënë Eglit, ja kam thënë me filtra dhe jam tërhequr, sepse e dija që vajza është e dashuruar, deri në momentin që Gjesti vendosi valixhen para Eglit. Egli më thoshte që Gjesti ka ndjenja, ndërsa Gjesti më thoshte të kundërtën.
Ju i dini të dy, gjërat që unë kam bërë për ju. Me dashurinë më të madhe, unë kam ndejtur me Gjestin sepse jam njeri që përshtatet me një 24-vjeçar. Në çdo moment kam qëndruar afër Eglit dhe në momentin që ka ndodhur ajo me motrën e saj, unë mora një mesazh nga ajo, ‘bëj lojën tënde’. Ky djali, e di që nuk të do. Nëse ti sëmuresh për atë djalin, tani është vetëm problemi yt. ‘Rozi fole me Gjestin? Rozi çfarë të tha Gjesti?’. Një gjë është e sigurt, që ky djali po luan me këtë vajzën”, tha Rozana.
