Teksa ishte e ftuar në “Ellen Tv Show”, Kris Jenner u bë pjesë e një loje paksa pikante.
Ajo u vu përballë disa pyetjeve lidhur me familjarët e saj, duke u detyruar të zgjedhë mes vajzave të saj.
Sipas lojës, ajo duhet të plotësonte vendet bosh në disa fjali dhe duket se “ia hodhi paq” me përgjigjet e saj diplomate.
“Vajza e ime e preferuar është ____”- u shfaq në ekran, ndërsa Jenner u përgjigj: “Për sot, Khloe”.
Me siguri ajo e ka veçuar të bijën për t’i dhënë më shumë mbështetje pas dramës së madhe që kaloi me tradhtinë e Tristan Thompson menjëherë pas lindjes së vajzës së tyre True.
Asnjë nga vajzat e Kris nuk ka reaguar pas deklaratës së mamasë dhe ende s’dihet si e kanë pritur faktin që Khloe ishte e preferuara e saj e ditës.
