Kris Jenner ka rikthyer vëmendjen mbi veten pas publikimit të disa fotografive ku duket dukshëm më e transformuar. 69-vjeçarja, që prej paraqitjes në Paris për të mbështetur Kim Kardashian në një proces gjyqësor të rëndësishëm, ka nxitur spekulime për përdorimin e photoshopit apo edhe ndërhyrje estetike më të avancuara.
Përfaqësuesit e saj konfirmuan për mediat se Jenner i është nënshtruar një procedure estetike nga mjeku Steven Levine, por nuk dhanë detaje mbi natyrën e saj. Ndërkohë, në rrjete sociale, ndjekësit kanë komentuar fytyrën e saj të lëmuar, pa rrudha apo shenja të moshës, duke e quajtur “pothuajse e pabesueshme”.
Spekulimet u ndezën edhe më shumë pas një fotoje të profilit të saj, ku një vijë e çuditshme nën mjekër u interpretua nga ndjekësit si një “gabim në photoshop”. Komentet nuk munguan, dhe njëri prej tyre u bë viral: “Kris, po na mahnit me qafën dhe nofullën tënde të re!”
Megjithë zërat dhe aludimet, Jenner vazhdon të shfaqet në publik e buzëqeshur, duke mbështetur projektet e vajzave të saj, si në Paris gjatë festës së beqarisë së Lauren Sanchez, ashtu edhe së fundmi në lançimin e bashkëpunimit të Kylie Jenner me markën Khy X Dilara.
