Vetëm pak orë pasi Kanye West u shtrua në një spital në Los Angeles “për shëndetin dhe sigurinë e tij”, Kris Jenner, Kourtney dhe Khloe Kardashian shkuan në New York për ballon vjetore, “Angel Ball”.
Us Weekly njoftoi se eventi, i cili u mbajt në nder të të ndjerit Robert Kardashian, duhej të ishte shfaqja e parë publike e Kim që nga grabitja e saj në Paris. Por ndërsa Kim nxitoi për të qenë pranë Kanye-s, Kris dha një deklaratë të shkurtër në emër të familjes.
Sipas “People”, Kris tregoi se Kanye është “lodhur”. Reperi, i cili anuloi turneun e tij Saint Pablo, është “me të vërtetë i lodhur nga një turne rraskapitës”:
“Ai është i rraskapitur, është me të vërtetë i lodhur. Ka patur një turne rraskapitës dhe ka nevojë për pushim”.
Ndërkohë, “People” ka lëshuar një raport të ri për arsyen e shtrimit të Kanye-s në spital. Përveç lodhjes dhe privimit nga gjumi, një burim thotë se Kanye-s i duket sikur është nën “sulm shpirtëror”.
Sipas burimit, shtrimi ka të bëjë më shumë me çështje delikate. Burimi shton se përvjetori i vdekjes së nënës së Kanye-s, Donda, “gjithmonë i sjell atij shumë dhimbje”. Donda ndërroi jetë në moshën 58-vjeçare në nëntor 2007.
“Ai e mban dhimbjen brenda, ndonjëherë flet se sa e vështirë është kjo kohë për të. Ai punon mes dhimbjes çdo nëntor”, thotë burimi.
Burimi: Harper’s Bazaar
