Xhudistja nga Kosova, Distria Krasniqi, është renditur e para në listën e publikuar për xhudistët më të mirë.
Sipas Federatës Ndërkombëtare të Xhudos, Krasniqi zë vendin e parë në kategorinë deri në 52 kilogramë me 7275 pikë të grumbulluara.
Pas saj renditet xhudistja britanike, Chelsie Giles me 7010 pikë, ndërsa në vendin e tretë qëndron japonezja, Uta Abe me 6800 pikë.
Rikujtojmë se vajza që na ka bërë krenarë të gjithëve, Distria Krasniqi, ka fituar medaljen e artë në Lojërat Olimpike “Tokyo 2020”.
Ajo po ashtu ishte e suksesshme në Kampionate Evropiane dhe Botërore duke sjellë në Kosovë disa medalje, të arta, të argjendta dhe të bronzta.
