Mbrëmjen e sotme Majk dhe Getoari publikuan bashkëpunimin e shumëpritur të tyre, “Hajde te baba”. Kjo këngë është pjesë e albumit të tyre të përbashkët, që mabn titullin “Vaksina”, e që si duket do të vijë si shpëtim për këtë vit të vështirë.
Por të kthehemi pak tek kënga më e re!
“Hajde te baba” duket se është një diss i fortë për të gjithë reperët e tjerë dhe nuk e dimë se si do e presin ata. Majk dhe Getoari godasin më së shumti reperët e rinj, të cilët i konsiderojnë si fëmijë dhe pilivesa.
“Krejt këto probleme i trajtojë si djemtë e mi/ krejt këto pare i trajtoj si djemtë e mi, krejt këta repera i trajtoj si me kon fëmijë”, shprehet Majk në këngë, ndërsa Getoari shton “Hajde te baba”.
Deri më tani kënga është pritur shumë mirë nga fansat e dyshes dhe brenda 1 ore ka marrë 20 mijë klikime. “Hajde te baba” do të jetë pjesë e albumit të ri “Vaksina”, në të cilin do të përfshihet edhe anëtari tjetër i Babastars, Onat, siç kanë bërë reperët me dije më herët.
Ndërkohë kujtojmë se Majk dhe Getoari kanë realizuar bashkë edhe tre këngë shumë të suksesshme, “S’jena mo”, “Ajo” dhe “Malena”.
