Ky vit ka qenë ndër më të veçantët përsa i përket kreativitetit që VIP-at shqiptarë kanë treguar me emrat e bebushëve të tyre!
Na kishte marrë malli të dëgjonim emra shqiptarë dhe me kuptim dhe duket se më në fund, zyrtarisht emrat shqiptarë kanë hyrë sërish në modë!
Kur themi emra shqiptarë, i referohemi fjalëve shqip, me kuptim, të cilat çdo herë e më shumë po shtohen në listën e emrave të rinj.
Çifti i fundit që na surprizoi ishte Arbana Osmani dhe Eduart Grishaj, që zgjodhën për të voglin e tyre emrin super të veçantë, Diell!
Aktori i njohur dhe kryebashkiaku i Kolonjës, Erion Isai, na surprizoi më herët me emrin e vajzës së tij të dytë, të cilën e quajtën E’dua.
Gjithashtu, vajza e parë e tij quhet Ajër dhe vlen të theksojmë se kreativiteti i çiftit ka qenë ‘on point’!
View this post on Instagram
E’dua 1 muaj ?. Aroma e sjellë prej saj në shtëpi, vërtet puhizë bekimi! E duam ❤ E’dua ❤
Vogëlushja e Bes Kallakut dhe Xhensila Myrtezajt është pagëzuar me emrin e bukur Ajka, si pjesa më e mirë e jetës së tyre.
Të mos harrojmë pa përmendur këtu djalin e reperit Gjiko dhe moderatores Elita Rudi, i cili quhet Zëri.
Madje, dyshja ka treguar se emri i bebushes që po presin të vijë në jetë do të jetë po kaq i veçantë dhe kreativ.
View this post on Instagram
When we have each other, we have everything ♥️! #Beautifulday @gjikotheflyboy @zerigjikolli
Miriam Cani dhe Alban Skënderaj e quajtën të voglin e tyre Duam, njësoj si titulli i këngës së dashurisë që kanë kënduar së bashku.
Ministrja Elisa Spiropali e pagëzoi të voglin e saj me emrin Kren, ndërsa vajza e saj e madhe quhet Nalta.
“Kren dhe Nalta janë dy emra që kanë kuptim në shqip. Janë të shkurtër dhe duket sikur kanë kuptim “Krenalt” krye lartë”- ka treguar më herët Spiropali.
Përmendim këtu edhe vogëlushen 2-vjeçare të Mozzik dhe Loredanës, Hana.
Gjithashtu, djali 3-vjeçar i Bieta Sulos e ka emrin Kroi, një emër tepër i bukur shqiptar.
Këta janë shembujt më të mirë frymëzues për prindërit e rinj, të cilët duhet ta vazhdojnë si traditë këtë “trend” të bukur që ka nisur dhe të pasurojnë sa më shumë listën e emrave shqiptarë.
Është mëse e kuptueshme që çdokush ka preferencat e tij, por a s’do të donte secili prej nesh të kishte një emër të veçantë dhe me kuptim, i cili do ta dallonte menjëherë nga të tjerët?
Detajet na bëjnë të veçantë dhe e veçanta bën diferencën!
Ndër detajet e para që bie në sy që në prezantimin e parë është emri. Kujdesuni që brezat e ardhshëm të kenë jo vetëm të veçantën tek vetja, por edhe krenarinë për gjuhën e bukur shqipe!
/Iconstyle.al
