Dita e votimeve ka nisur… por pa ndonjë vrull të madh! Komisioni Qendror i Zgjedhjeve ka publikuar të dhënat e para për pjesëmarrjen në zgjedhje dhe shifrat tregojnë se, deri në orën e parë të hapjes së qendrave, vetëm 1.81% e votuesve kishin hedhur votën e tyre.
Nga 937 qendra votimi që kanë raportuar deri tani, duket se entuziazmi i mëngjesit nuk ka qenë fort i madh — megjithatë, kjo është një rritje e lehtë krahasuar me zgjedhjet lokale të dy viteve më parë.
Për krahasim, në zgjedhjet e përgjithshme të katër viteve më parë, pjesëmarrja në orën e parë ishte 3.37% — pra dukshëm më e lartë.
Tani pritet të shihet nëse pjesëmarrja do të vijë në rritje gjatë ditës, apo nëse shqiptarët do të preferojnë më shumë plazhin se fletën e votimit…
