Ronela Hajati thumboi nga biseda me gazetaret Aulona dhe Fatma, drejtuesit e Radio Televizionit Shqiptar. Sipas saj, mënyra sesi procedohet për të përzgjedhur këngën që do të marrë pjesë në Eurovizion, është e gabuar.
“E kam thënë që kam dëshirë të shkoj njëherë në Eurovision edhe ta tund. Por më e vështirë më duket këtu në Festivalin e RTSH-së sesa në Eurovision. Atje janë disa lloj njerëzish që kanë ngulur rrënjë që kur i ka vënë babi im në punë. Babi im ka vdekur tashmë duhen sjellë të rinj”, u shpreh Ronela.
Kozeta Kurti, zëdhënësja e Festivalit të kaluar në RTSH ka reaguar pas deklaratës së këngëtares, duke kritikuar këtë të fundit për deklaratat e forta ndaj ‘të vjetërve’ të RTSH-së.
“Dëgjova Ronela Hajatin të thoshte në ‘Thumb’: ‘Në RTSH ka shumë njerëz që janë aty që kur babai im i ka vënë në punë. Tani babai im ka vdekur dhe duhet të kishin ikur edhe ata. Së pari, mos thuaj për babain ‘vdiq’. Bëj në muzikë një të miliontën e tij. Se ai prandaj nuk ‘vdiq’ por u nda nga jeta’ dhe të gjithë kanë respekt për të, por historia as nuk nis, as nuk mbaron me të ndjerin babanë tënd.” – thekson Kozeta Kurti.
Kurti teksa fton Ronelën të marë pjesë në festival, ironizon këngëtaren duke theksuar se fillimisht të mësoj të flasë në televizion.
“Së dyti, Ronel’, bën shumë mirë që e aspiron Festivalin Europian, se të paktën ëndrrat pa lekë i kemi, por mere në konsideratë një këshillë: Prit Ronel’! Mëso të flasësh në television, mëso të mos e quash punën tënde ‘gjëja’, mëso të kesh etikë, mëso të kuptosh kur gabon dhe reflekto, pastaj aty është edhe Europa” përfundon Kozeta.
