Gazetarja dhe moderatorja Kozeta Kurti ka folur me “kunja” për kolegët e saj, e ftuar në emisionin ‘Kush vjen për drekë’ në televizionin ‘Klan’. Ajo iu referua Arjan Çanit dhe Rudina Magjistarit, kur tha se tashmë është në modë t’i vësh emisionit emrin tënd në titull dhe të numërosh puntatat:
“Momentalisht në televizionet shqiptare, janë dy gjëra në modë: E para, t’i vësh emisionit emrin tënd në titull dhe e dyta, në fillim të emisionit të numërosh puntatat si: ‘Ky është emisioni im i njëqind e satë!’, për të treguar sa të lashtë jemi…”, u shpreh Kozeta Kurti.
Përsa i përket çështjes së emrit të moderatorit në vend të titullit, mendohet se Kurti i referohet emisionit ‘Rudina’ të Rudina Magjistarit, emision në të cilin ajo vetëm pak muaj më parë ishte e ftuar.
