Kourtney Kardashian dhe Younes Bendjima i kanë dhënë fund lidhjes së tyre pas dy vjetësh së bashku.
25-vjeçari ka shkuar në Meksikë ku është fotografuar duke shijuar momente romantike me disa vajza të reja.
Njëra prej femrave që është fotografuar duke e përqafuar quhet Jordan Ozuna dhe është ish- e dashura e Tyga dhe Justin Bieber.
Burime për TMZ tregojnë se ishte zgjedhja e Kourtney që lidhja të merrte fund. Kështu të dy nuk e ndjekin më njëri-tjetrin në Instagram.
Ata filluan lidhjen në 2016-n kur ylli i “KUWTK” u takua me modelin e Balmain dhe Givenchy në javën e modës së Parisit. Para pak javësh, ata u fotografuan duke kaluar disa momente romantike në Itali, së bashku me fëmijët e Kourtney.
Kujtojmë se Younes është 14 vjet më i vogël se Kourtney. Ndërkohë, kjo e fundit ka patur zënka dhe me familjen e saj këto kohë.
