Në Klinikën Infektive në QKUK janë paraqitur sot tre persona të dyshuar për koronavirus.
Këtë lajm e ka konfirmuar drejtoresha e Klinikës Infektive, Lindita Ajazaj.
Personat e dyshuar kishin ardhur nga zonat e prekura nga koronavirusi.
Të dyshuarit janë dy femra dhe një fëmijë, të cilët po presin rezultatet e testimit të tyre.
Njëra prej të dyshuarave është një 19-vjeçare shtatzënë, e cila tre javë më parë është kthyer nga Italia.
Deri në publikimin e rezultatit të testeve të tyre, personat po mbahen të izoluar.
