Së fundmi, numri i të prekurve nga koronavirusi në Shqipëri u shtua me 8 persona, duke e çuar në 23 numrin e tyre.
Covid-19 i ka marrë jetën një personi në Shqipëri, ndërsa priten ende përgjigje të rasteve të tjera të analuzuara.
Qeveria ka marrë masa parandaluese duke pezulluar mësimin, duke ndaluar fluturimet e lëvizjet në rrugë detare, duke mbylluar të gjitha restorantet e lokalet e duke ndaluar transportin publik e privat.
Popullit i është kërkuar kujdes maksimal në këtë situatë kritike, ndërsa e gjithë bota po përballet me këtë epidemi.
Deri tani, në rang global janë shënuar 134,327 raste të infektuara me Covid-19 dhe gjithsej 4,969 vdekje.
Itali
Koronavirusi ka vrarë orëve të fundit 189 persona, duke e çuar në 1,016 numrin e tyre, ndërsa numri i të prekurve ka shkuar në 15,113.
I gjithë shteti është shpallur zonë e kuqe dhe është ndaluar çdo aktivitet dhe rreth 60 milionë njerëz janë vendosur në karantinë.
SHBA
Në Shtetet e Bashkuara janë shtuar 2 vdekje, duke e çuar në 40 numrin e tyre total.
Gjithsej, janë konfirmuar 1,573 raste të infektuara, 10 prej të cilëve janë në gjendje kritike për jetën.
Zvicër
Zvicra ka shënuar një tjetër viktimë, ndërsa numri i jetëve të humbura ka shkuar në 4.
Numërohen 652, mirëpo të infektuarit nuk kanë shfaqur shenja të rënda të virozës.
Francë
Franca ka konfirmuar 13vdekje të reja, të cilat e kanë çuar në 61 numrin total të tyre.
Raste të infektuara me koronavirusin janë 2,876, ndërsa 129 prej tyre janë paraqiur në gjendje të rënduar shëndetësore.
Spanjë
Spanja ka shënuar 31 viktima, ndërsa numri i tyre total ka arritur në 86.
Gjithsej numërohen 3,126 raste të konfirmuara me koronavirus, ndërsa 190 prej tyre kanë rrezikshmëri për jetën.
Iran
Irani ka regjistruar 75 jetë të humbura, të cilat deri tani kanë shkuar gjithsej 429.
Numri i të infektuarve në këtë shtet është 10,075, mirëpo nuk paraqiten persona me shenja të rënda të virusit./ Iconstyle.al
