Ndërkohë që e gjithë Shqipëria është në shtetrrethim pas urdhrit për të ndaluar lëvizjen e automjeteve dhe kalimtarëve për të frenuar përhapjen e koronavirusit, në Korçë po ndodhin çudira!
Disa banorë të fshatit Qesarskë kanë “sfiduar” koronavirusin ditën e sotme, në festën e Sulltan Nevruzit dhe janë mbledhur për të festuar.
Ata kanë therur bagëti dhe janë grumbulluar së bashku për Sulltan Nevruz, në një kohë që konfirmuar 3 rastet e para me COVID-19 në këtë qytet.
Policia ka tërhequr vëmendjen e qytetarëve duke u shprehur se do të ketë gjoba dhe dënime në raste të shkeljes së masave për të frenuar koronavirusin.
Por këta banorë duket se jetojnë në një planet tjetër!
Plot 13 raste të reja me koronavirus në Shqipëri janë shënuar në 24 orët e fundit, duke e çuar numrin në total 89 të infektuar.
Drejtoresha e Institutit të Shëndetit Publik, Albana Fico, bëri me dije se janë testuar 33 persona të dyshuar prej të cilëve të konfirmuar janë 13 raste të reja. Nga këto, 8 raste janë nga Tirana, 1 nga Kavaja, 1 nga Durrësi dhe 3 nga Korça.
/Iconstyle.al
