Mbrëmjen e djeshme tre artistët më në zë të momentit, Nora Istrefi, Melinda Ademi dhe Gjiko sollën bashkëpunimin e tyre të parë, që mban titullin “Ay Caramba”.
Ajo çfarë mori vëmendje ishte pikërisht klipi i këtij projekti, për të cilën ndjekësit mendojnë se është i frymëzuar nga ai i reperit të ndjerë, 2pac.
Kënga ‘California love’ e realizuar nga artisti në vitin 1994 ka një ngjashmëri të madhe me klipin e Gjikos, Norës dhe Melindës.
Kujtojmë se para pak muajsh u mësua se Nora Istrefi dhe Melinda do të vinin në një bashkëpunim me njëra-tjetrën. Edhe pse duetet mes artistëve lindin zakonisht pas miqësive, ky nuk është rasti i dy këngëtareve. Melinda dhe Nora nuk kanë pasur miqësi më herët bashkë, duke qenë se vijnë dhe nga breza të ndryshëm artistësh, por kjo nuk i ka penguar që të bashkojnë forcat për një projekt muzikor.
Megjithëse nuk pritej që Gjiko t’ju bashkohej këngëtareve, ai i njeh të dyja shumë mirë sepse ka bashkëpunuar edhe më herët me to.
Reperi numëron dy bashkëpunime në repertorin e tij muzikor me Nora Istrefin. Të dyja këngët si “Gabime” dhe “Anna” kanë rezultuar mjaft të suksesshme, sidomos kjo e fundit që bëri namin gjatë gjithë vitit të shkuar. Ndërsa me Melindën, Gjiko ka realizuar vetëm një duet, “X5”, që vazhdon të jetë një nga këngët më të dëgjuara, edhe pse është publikuar 8 muaj më parë.
