Përfundon me një të plagosur sherri i ndodhur rreth orëve të para të mëngjesit në një prej lokaleve më të njohura të Tiranës.
Ky konflikt është konfirmuar dhe nga vetë reperi “Don Phenom”, i cili ka qenë duke performuar në lokalin e natës me anë të një postimi në rrjetin social Instagram.
Pas shqetësimeve dhe pyetjeve të shumta të ardhur nga fansat e tij, Don Phenom ka konfirmuar zërat duke qetësuar kështu dhe fansat e tij. Me anë të një video reperi ka thënë se është mirë dhe nuk ka qënë pjesë e konfliktit, madje konflikti ka ndodhur pasi ai kishte përfunduar performancën në skenë.
“Ishalla ata që kanë pasur probleme janë okej, ishalla s’kanë asnjë problem në spital. Ata që janë preokupuar ju dua shumë por jam shnosh si molla. Krejt stafi im ka shku në shtëpi. Pasi kemi ikur ne duhet të jetë bërë ndonjë poshtërsi, por ne nuk kemi idenë fare çfarë ka ndodhur”, thotë reperi.
Dyshohet se sherri ka nisur për një vajzë në pjesën e zonës vip dhe personi që ka mbetur i plagosur është një 39-vjeçar.
Mësohet se deri tani janë shoqëruar nga policia 12 persona dhe po vijon puna për identifikimin e personave të tjerë që mund të jenë përfshirë në konflikt.
Sherre të tilla janë të shpeshtë në lokalet e Tiranës. Pyetja është, a do t’iu vijë ndonjëherë fundi?
