Ditën e djeshme është zhvilluar mbrëmja Gala e shpërndarjes së çmimeve CCIT Awards për kompanitë më të mira të biznesit që operojnë në Shqipëri. Ky aktivitet oganizohet nga Dhoma e Tregtisë dhe Industrisë me mbështetjen e Bashkisë së Tiranë.
Kompania telefonike “One” fitoi çmimin si kompania lider e industrisë së telekomunikacionit. Çmimi u dorëzua nga ministrja e Arsimit, Evis Kushi.
Drejtori ekzekutiv, z. Emil Georgakiev,pasi falenderoi gjithë stafin foli edhe për rritjen e cilësisë:
“Ky çmim i shkon gjithë stafit i cili ka punuar për këto përmirësime. Megjithatë, ne nuk ndalemi këtu. Ne do vazhdojmë të sjellim shërbime, produkte dhe rrjet më të mirë”,- tha ai.
Po sa e vërtetë është kjo? Kompania “One” ka arritur 41% të tregut në harkun kohor të një viti, por jo për shkak të cilësisë së shërbimeve, funksioneve e përmirësimeve.
Këtë vit një numër shumë i madh njerëzish kaluan nga “Vodafone” në “One”, për shkak të pakënaqësisë ndaj “Vodafone” dhe kjo solli rritjen në treg, por të dyja kompanitë kanë çmime të larta, të papërballueshme për një pjesë të mirë të popullsisë.
Marka One Telecommunications u prezantua në Shqipëri në 10 Shtator 2020. One Telecommunications vjen me këtë emër pas një sërë zhvillimesh dhe ndryshimesh që kanë ndodhur vitet e fundit në kompani.
