Ministrja e Shëndetësisë Ogerta Manastirliu ka mbajtur sot një konferencë për mediat, ku ka bërë një përmbledhje të sitautës së Covid-19 në vendin tonë. Duke parë ecurinë dhe zhivillimin e situatës me pandeminë, ajo u shpreh se Komiteti Teknik i Ekspertëve ka vendosur që mos të ketë asnjë lehtësim masash.
Do të vazhdojnë ende të jenë në fuqi oraret e kufizimit të lëvizjes nga ora 22:00-06:00. Gjithashtu Manastirliu theksoi se për shkak të përhapjes së variantit të ri të koronavirusit në Britaninë e Madhe, fliuturimet me këtë shtet do të jenë të pezulluara deri në 1 shkurt.
“Do të kemi në zbatim masat që kemi dhe që i vlerësojmë se kanë dhënë efekt, në tërësinë e tyre vijojnë punën për procesin e testimit përmes gjithë vendit. Kemi të gjithë kapacitetet e ne lidhje me ilacet.
Do të vijojë që të jenë në fuqi masat që janë lëvizja kufizohet nga ora 22:00 deri në orën 06:00 të mëngjesit, i njëjti kufizim shërbimi do të jetë dhe për kafet dhe për restorantet përjashtuar vetëm shërbimin e ushqimit në shtëpi, dhe ato që do të duan që të lëvizin është e rëndësishme që të marrin leje tek E.albania. Fluturimet me Britaninë e Madhe do të mbeten të pezulluara deri më 1 shkurt. Më pas do të kemi një rivlerësim mbi këtë vendim”, tha Manastirliu.
