Vetëm dy ditë më parë Capital T dhe 2po2 prezantuan këngën e tyre të fundit “Ulu”. Reperi Capital T pas postimit në rrjetin social “Instagram” u kërkoi të gjithë ndjekësve të tij një mendim për të ndarë përshtypjet e tyre.
Veç komenteve pozitive, pati edhe kritika nga komentuesit, të cilët me vëmendje analizuan se kishte një ngjashmëri mes saj dhe këngës “Bad and Boujee” të Migos dhe Lil Uzi Vert, e cila është publikuar më 31 tetor të 2016-s.
Ishte një vajzë e cila vuri re ngjashmërinë e madhe të këngës së dy reperëve kosovarë me atë të dy reperave të famshëm ndërkombëtarë.
“Mendoj se një pjesë e këngës tënde ngjan me atë të Travis, nuk është gjë e mirë të kopjosh! Më pëlqejnë të gjitha këngën e tjera të tua!”, shkroi komentuesja.
“Për cilën këngë të Travis e ke fjalën, nuk ja kam idenë fare! Jam kurioz!?”, ishte përgjigjja e Capital T.
Më pas vajza i ka dhënë një shpjegim të saktë:
“Meqë pyete kënga quhet “Bad and Boujee” dhe nuk është e Travis, gabova unë, e kam dëgjuar shpesh prandaj më tingëlloi e njohur! Për t’ia bërë të qartë të gjithë fansave tuaj që po çmenden, nuk e kisha fjalën që kopjove tekstin e tij, por muzika tingëllon njësoj deh mënyra se si ti bën rep! Gjithsesi në fund të fundit unë e dua muzikën që bën ti, e dëgjoj në makinën. Jeni një artist i madh, thjesht dhashë mendimin tim pasi the që të ndanim përshtypjet tona”.
Në fakt pasi e dëgjuam menduam se ajo ka të drejtë, por ne duam të mendojmë se rastësia ekziston! Apo jo?
Burimi: Iconstyle.al
