Ndeshjet midis Shqipërisë dhe Kosovës gjithmonë nxisin reagime në rrjet dhe ndeshja e fundit e grupit U21 midis dy shteteve ka ngjallur po ashtu reagim.
Komentatori sportiv Andin Lokaj iu drejtua shqiptarëve me fjalët:
“Mendoni sikur të mos fitonim kundër këtyre që kur kemi luajtur ne kosovarët, ata vetëm ushtarë të Enverit kanë pasur në stadium”, tha ai.
Ish-kapiteni i kombëtares reagoi në rrjete sociale duke e ‘veshur’ fytyrën e Andinit dhe duke e shndërruar atë në një klloun.
Pas kësaj përplasje midis dy figurave, reagoi edhe Qeqa Krelani, gazetare sportive e Radio Televizion Kosova duke e quajtur Lorik Canën jo patriot dhe se ka ‘përzier’ kombësinë e fëmijëve.
Nëse ti mendon që je më atdhetar se Andini gabohesh. E din sa zemrat e patriotëve i ke thy që nuk e ke marr gruan shqiptare? Aq ma shumë kur midis stadiumit, para qindra fansave me mikrofon në dorë bërtisje duke na rikujtuar e edukuar që “Nuk ndërrohet Kombësia, nuk shitet Shqiptaria.”
A e din çfarë impakti ke pas me atë fjali? A e din që tifozerinë e diasporës e ke fituar duke bërë propagandë qysh nuk ndërrohet kombësia? A e din sa njeriun e njoh unë që kanë marrë vendime personale duke u bazuar në propagandën tënde? Në fund u martove me italiane dhe përzive kombësinë e fëmijëve. Është vendim perfekt. Ta duartrokas. Sepse vendose ndjenjat tua para opinioneve fundamentaliste dhe patriarkale. Na dëshmove që ndjenjat personale vijnë para ndjenjave kombëtare. Por veç desha me ta rikujtuar me këtë shembull që s’je ma patriot se Andini. Që ndryshe je deklaruar. E ndryshe je kurorëzuar, – tha ajo.
