Dje Kombëtarja kuqezi festoi! Trajneri Gianni de Biasi mbushi 60 vjeç dhe për ta surprizuar kishte menduar lojtarët dhe delegacioni i Federatës Shqiptare të Futbollit.
Edhe pse të përqendruar te stërvitja dhe ndeshjet e Euro 2016, të gjithë uruan trajnerin e vetëm deri më sot që udhëhoqi skuadrën drejt suksesit historik të kualifikimit për herë të parë në Kampionatin Europian.
Surpriza ishte torta e dizajnuar me simbolin tonë kombëtar, fushën e kuqe dhe shqiponjën e zezë, ndërsa shkruhej “Gëzuar Ditëlindjen Mister” në gjuhën italiane.
Pas falënderimeve për surprizën e bukur, De Biasi i dha një mesazh futbollistëve:
“Desha t’ju përgëzoj dhe t’ju them se sa krenar jam që jam trajneri juaj dhe se sa krenar jam për mënyrën se si i kemi luajtur këto dy ndeshje. Futbolli është i pamëshirshëm ndonjëherë nuk shpërblehesh për të gjithë mundin, por dua që të dielën të futemi në fushë po krenar, me besim, sepse ndonjëherë edhe ne harrojmë se sa shumë cilësi kemi. Ju falënderoj dhe uroj që të dielën të festojmë!”
