Dama e modës britanike, Vivienne Westwood, mbylli Javën e Modës së Meshkujve në Londër, me një koleksion të veçantë, që shfaqi dizajnët avangardë që përfshinin fustane për meshkujt.
75-vjeçarja Westwood, e cila njihet për krijimet inovative dhe aktivizimin për mjedisin, prezantoi veshjet për meshkuj dhe femra për koleksionin vjeshtë/dimër 2017/18 “Ecotricity”,duke i veshur meshkujt me fustane dhe funde, ndërsa femrat me kravata.
Modelet mbanin pulovra e pantallona të thurura shumëngjyrëshe, ndërsa xhaketat e femrave kishin prerje asimetrike ose supe të ekzagjeruara.
Këmishat kishin jaka të mëdha, ndërsa dallonin printimet, figurat e shumëllojshme, përfshirë kafkat e fytyrat.
Të tjera detaje që binin në sy ishin fytyrat e pikturuara, kurorat prej letre e çorapet shumëngjyrëshe. Westwood dhe më parë ka prezantuan në Milano koleksionin për meshkuj.
*Shfleto galerinë
Burimi: Reuters
