Ajo është një nga atletet më të mëdha shqiptare, por sa i përket jetës private, Klodiana Shala është treguar gjithnjë e rezervuar.
E ftuar në emisionin “Opinion” ajo është shprehur për herë të parë se ka pasur dëshirë të adoptojë një fëmijë. Ajo ka deklaruar se nuk ka pasur mundësi për të bërë një fëmijë për shkak të përkushtimit që kishte ndaj karrierës, ndaj dhe kishte vendosur të shkonte në Shtëpinë e fëmijës për të birësuar një fëmijë.
Më tej Shala tha se kishte gjetur një fëmijë të bukur që i ngjante shumë, por mamaja e fëmijës nuk e kishte lejuar ta merrte.
“Unë kam një karrierë 20-vjeçare, kam bashkëjetuar prej disa kohësh, por tani jam single. Në pamundësi për të bërë fëmijë, pasi iu përkushtova me të vërtetë karrierës, kam shkuar në Shtëpinë e Fëmijës, për të adoptuar një fëmijë, pikërisht në kohën kur isha në karrierë. Fëmija ishte gjashtë muajsh sikur e kisha lindur unë. Me sy bojëqielli, biond, ishte një fëmijë i mrekullueshëm. Doja ta adoptoja në atë kohë”.
