Poni publikoi sot bashkëpunimin me Skivin, “Zemra Bam”.
Një ndërthurje e muzikës tradicionale, për të cilën është e famshme këngëtarja nga Vlora, me rap-in dhe ritme që nuk shijohen veçse duke kërcyer.
Por, klipi i këngës është gjithashtu një surprizë më vete. E kuruar në detaj si kahera, Poni, e stiluar nga Niko Komani dhe me veshje të Drenusha Xharrës, duket si një princeshë në një pyll të magjepsur nga e ardhmja. Bizhutë janë të gjitha Swarovski.
Kombinimi i ngjyrave me sfondin është perfekt. Trendi i puplave po ashtu.
Madje, në këtë skenë veshja bëhet njësh me skenografinë.
Duhet thënë se edhe reperi Skivi ka ditur të kombinohet me konceptin e videos.
Si asnjëherë më parë, Ponin e shikojmë me një look high- tech, me një veshje me ngjyra të forta dhe forma gjeometrike dhe syzet pasqyrë ngjyrë lejla.
Pa hequr dorë nga prerja karakteristike e flokëve bob, që këtë vit është më në modë se kurrë.
Shikoni këtu videon “Zemra bam” nga Poni dhe Skivi:
