Në 28 qershor të vitit që lamë pas balerini i njohur Kledi Kadiu celebroi dashurinë e tij me martesë.
Ai dhe balerina Charlotte i thanë “Po” dashurisë së tyre disavjeçare në një ceremoni përrallore që u mbajt në Itali.
Sot që ka kaluar një vit nga dita e madhe, Kledi është bërë nostalgjik dhe ka zgjedhur të urojë bashkëshorten e tij nëpërmjet disa fjalëve mjaft emocionuese.
“Ka kaluar një vit nga ajo ditë e paharrueshme. I mbaj mend emocionet e papërshkrueshme dhe padurimin për të të parë teksa ecje pranë meje, e bukur, si gjithmonë. Të dua Charlotte”,-shkruan Kledi në video
Në këtë video të shkurtër balerini ka mbledhur momentet më pikante të ditës së madhe që nga përgatitjet dhe deri tek betimi për dashurinë e përjetshme.
Prej tre vitesh çifti i balerinëve janë bërë prindër të një vajze të cilën e kanë pagëzuar me emrin, Lea.
