Kledi Kadiu është rikthyer në Tiranë, pasi mbrëmjen e sotme në televizionin “Klan” nis nata gjysmëfinale e spektaklit “Dance With Me”, ku si gjithnjë ai do të gjykojë të famshmit shqiptarë për aftësitë e tyre në kërcim. Por përpara se të bëhej gati për spektaklin, balerini shqiptar është larguar pak nga qendra e kryeqytetit dhe ka udhëtuar drejt Farkës, për të shijuar ushqimin që i mungon kur është larg.
“Nuk ka si tradita jonë” – shkruan Kledi Kadiu krahas videos ku shfaqet pranë oxhakut me zjarrin bubulak, ndërsa na bën zili me tryezën plot e përlot me ushqimet tradicionale shqiptare duke nisur nga buka e misrit deri tek pula e pjekur në furrën me dru, shoqëruar me jufka.
Sigurisht që gjatë kthimit për në kryeqytet, Kledi nuk mund të mos dëgjonte në makinë këngë të vjetra qytetare.
Por Kledi ka të drejtë, si ushqimi shqiptar, nuk gjen askund në botë..
