Klea Huta dhe Elgit Doda kanë një surprizë të veçantë për fansat e tyre. Për herë të parë bashkë ata do të vijnë me një duet, që me siguri do të pëlqehet shumë.
Elgiti ka publikuar dy video në “Instastorie”, ku në të parën dëgjohet Klea e cila këndon e vetme, ndërkohë që ai shkruan: “E zunë hallet!’
Ndërsa në videon e dytë, dyshja këndon së bashku këngën “E dehun” të Nexhmije Pagarushës në një duet super romantik, ku zërat e tyre kombinohen në mënyrë të mrekullueshme.
“Na zunë hallet bashkë!”, shkruan me humor Elgiti, ndërsa Klea shkruan: “Po qajmë hallet, pooor me piano këtë herë!”.
