Fakti që jetojnë të ndarë, njëri në Itali dhe tjetri në Shqipëri, ka bërë që çifti Albi Nako dhe Klaudia Pepa të përfliten shpesh herë për një ndarje.
Megjithatë këto zëra i ka hedhur poshtë nëna e balerinës, e cila ishte dje e ftuar në programin “Rudina” në Tv Klan me vajzën e dytë Pamela, ka rrëfyer më shumë për talentet dhe sukseset e tyre në vite.
Gjithashtu, nëna e Klaudias ka zbuluar se çifti janë bashkë, por lidhjen e mbajnë në distancë.
Duke rrëfyer për vajzën e madhe, zonja Pepa tregon se Klaudia është privuar nga lojërat e fëmijërisë, ndryshe nga bashkëmoshatarët e saj. Hyrja në balet qysh në moshën 5-vjeçare e vulosi një herë e përgjithmonë talentin dhe pasionin e saj për baletin, ndaj edhe çdo përpjekje tjetër për ta shkëputur ishte e kotë:
“Vullneti që ka Klaudia është i jashtëzakonshëm, ka një forcë të brendshme të të arriturit të gjërave. Sapo arrin një gjë, kërkon edhe një tjetër. Duhet të bëj edhe këtë, edhe atë, është forca e brendshme që e nxit për të arritur gjithmonë e më shumë, është vajzë shumë punëtore.…” – rrëfen Lume Pepa për të bijën.
Si për Klaudian, edhe për Pamelën, e ëma përlotet ndërsa e dëgjon të flasë me përkushtim për pasionin për muzikën:
“Kështu më ndodh edhe me Klaudian. Sa herë e shoh atë të kërcejë, unë qaj…”, thotë Lumja mes lotësh. Të gjithë nënat e dinë: ku ka më bukur se të jesh krenar për fëmijët: “Është kënaqësi e çdo prindi, të shohë fëmijën të realizuar në ëndrrat dhe dëshirat e veta…”, thotë nëna e dy vajzave, me të cilat është ndier gjithmonë krenare.
