Ka diçka tek femrat italiane… diçka e vështirë për t’u përshkruar me fjalë. Ndoshta janë ato buzëqeshjet rrëzëllitëse, ai natyraliteti aq elegant që i karakterizon e që i bën të gjithë të magjepsen pas tyre.
Por kur vjen puna tek stili, gjërat janë mëse të qarta: stili ka lindur me to. Dhe nuk kishte si të ndodhte ndryshe në një vend që konsiderohet djepi i kulturës mbarëbotërore dhe vendlindja e disa prej kryeveprave më të mëdha të historisë së artit.
Të bekuar si popull me një sens estetik të pashoq, italianët dhe gratë italiane në veçanti e kanë kthyer etiketën “Made in Italy” në një status, që evokon në mënyrë të menjëhershme në mendje një thjeshtësi të rafinuar, e mbi të gjitha, cilësi.
Ndaj mjafton një vizitë në butikun “Angelo Di Nepi” në zemër të ish-Bllokut në Tiranë, për t’u ndjerë sikur krejt papritur je zhvendosur një një “bottega” tipike italiane, që ato që ia njohin thesaret, e ruajnë gati-gati me fanatizëm si një sekret.
Nga kostumet e linosë që nuk njohin as kohë e as modë, tek fustanet me mëndafsh delikat që ndihet si një përkëdhelje në lëkurë, në “Angelo Di Nepi” gjenden disa prej markave më të lakmuara të veshjeve artizanale të realizuara me materialet më cilësore italiane. Dhe me materiale cilësore nënkuptojmë linonë artizanale dhe jo industriale e cila prodhohet vetëm në bregun amalfitan dhe adresa e të cilës ruhet me fanatizëm, napën e linosë e marrë nga zemra e saj, mëndafshin e pastër, linonë me fije metali, canapa me fije natyrale, kashmirin e cilësisë së parë, merinosin extrafin realizuar nga sartori artizanale, pambukun e cilësisë së parë etj.
Krijimet unike të “a.b”, markës prestigjioze me bazë në Romë, i përshtaten si me magji të gjitha formave trupore dhe falë cilësisë superiore të materialeve organike, janë ideale për kalimin nga njëra stinë tek tjetra. Detajet dhe siluetat e veçanta sjellin një ndërthurje perfekte të thjeshtësisë dhe elegancës dhe theksojnë idenë se veshja nuk është diçka rastësore, por është një mënyrë jetese. Nga mëngjesi në darkë, nga zyra në plazh, veshjet e “a.b” mund të vishen kudo, mjafton pak fantazi e guxim.
Në “Angelo di Nepi” gjithashtu gjendet dhe një koleksion special këpucësh stili, të punuara me lëkurë të çmuar dhe ekskluzivisht “Made in Italy”, për këdo që e di rëndësinë e një këpuce të mirë.
Ndërsa për muajt më të ftohtë të vitit, xhaketat dhe palltot të markës se luksit Cinzia Roca janë një thesar i vërtetë. Edhe pse në një hap me trendet bashkëkohore dhe tendencat e momentit, krijimet Cinzia Rocca ruajnë klasin që karakterizon këtë brand, duke mbajtur me rigorozitet cilesinë e klasit të parë.
Për të kaluar më pas tek një tjetër markë që gjendet vetëm në “Angelo di Nepi”, që është “La Bottega di Brunella”. Një pikë takimi i stilit vintage me atë modern, që me materialet e çmuara dhe frymën bohemiane që e karakterizon, do t’ju transportojë menjëherë në bregdetin magjik të Postianos, aty ku edhe ka lindur marka e njohur e veshjeve artizanale.
Fustanet 100% mëndafsh të cilësisë së parë që përqafojnë trupin si të ishin krijuar enkas për ty, apo linoja e freskët e elegante përcjellin pikërisht atë që është kryefjala e stilit italian: Komoditeti.
Ky komoditet i ndërthurur me thjeshtësinë e filozofisë “aqua e sapone”, materialet më cilësore dhe sensin estetik të padiskutueshëm italian, kanë sjellë ndër vite koleksione magjepsëse që përkthehen në vetëm një fjalë: Klas!
Por teksa “klasi nuk është ujë”, në “Angelo di Nepi”, kushdo e njeh dhe e vlerëson cilësinë e vërtetë të “Made in Italy”, mund të ketë mundësinë të përjetojë një histori të vërtetë dashurie me krijimet artizanale të brand-eve më prestigjioze italiane.
Modele: Greis Grabova
Fotograf: Sonny K. Elson
