Muajin e kaluar u bë publik lajmi se Rihanna ishte ndarë nga i dashuri i saj miliarder, Hassan Jameel, por kjo nuk do të thotë se ajo nuk është ende gati të vendosë për të krijuar një lidhje të re.
Gjatë fundjavës që lamë pas ylli botëror i muzikës ishte në Barbados si shoqëruese e nuses për mikeshën e saj të fëmijërisë, Sonita Alexander. Ajo u shfaq mahnitëse me një fustan blu mbretëror dhe i shkriu të gjithë së qeshuri në momentin që nusja hodhi buqetën e luleve.
Ndërkohë që të gjithë po rrinin pas nuses dhe po zgjateshin kush e kush ta kapte më parë buqetën e luleve, Rihanna iu shmang asaj dhe pikërisht ky moment u fiksua nga kamerat amatore dhe tashmë po bën xhiron e rrjetit.
Rihanna petty ? She ducked when her bestfriend threw the wedding bouquet ?? pic.twitter.com/kTLqjcJNYH
— ? (@fentyy) August 19, 2018
Një moment gazmor që i shkriu të gjithë së qeshuri, por në të njëjtën kohë na tregoi se pas ndarjes nga miliarderi Rihanna nuk po nxitohet që të ketë një mashkull të ri në krahun e saj.
Burimi: Cosmopolitan
