Ky kaftan nuk është i zakontë, ndaj radhitet si një prej veshje pretendente për të fituar rekordin “Guinness”. Vildan Yolcu, një zonjë nga Turqia, ka qëndisur një kaftan me perla.
Gruaja nga zona e Turqisë Perëndimore, Bursa, ka thënë për mediat se për këtë veshje ka punuar plot 6 muaj bashkë me 7 punëtorë, që e kanë ndihmuar për t’i vendosur të gjithë aksesorët e çmuar.
Vildan Yolcu ka shpjeguar se kaftani është krijuar për t’u veshur sipër një fustani. Gurët e ҫmuar, perlat dhe kristalet janë qëndisur mbi një copë kadife me ngjyrë blu të thellë: “Ne kemi pasur qëllim të konkurrojmë për librin e rekordeve Guinness” – tha më tej Yolcu. “Zoti e di që ne do ta fitojmë çmimin që puna jonë të mos humbasë..”, shton ajo.
Pëlhura është qëndisur me 62,023 perla të bardha dhe 5 000 kristale me ngjyrë lejla.
Yolcu shton se krijimi i veshjes kushton rreth 35.000 lira turke (10.000 dollarë) dhe se pas konkursit botëror do të prezantohet edhe në Muzeun e qytetit të Bursa-s si dhuratë.
