A keni takuar ndonjëherë dikë që shikon me përbuzje rrobat tuaja, gjykon gjithçka që bëni dhe nuk lë asgjë të shkojë, edhe nëse është një gabim (dhe ata e dinë këtë)?
Stili i tij arrogant dhe sjellja nënçmuese e bëjnë të vështirë për ju që të shijoni shoqërinë e tij dhe pyesni veten se si u bë kaq arrogant? Ndoshta përgjigjja që po kërkoni është në horoskopin e tij. Vazhdoni të lexoni për të zbuluar se cilat janë shenjat e zodiakut , sipas astrologëve, më të “mbërthyerat”, nga pak snob deri tek më arrogantet.
Dashi
Si përfaqësuesi i parë i zodiakut, ata duan vetëm më të mirën. Vendi i parë dhe i veçantë – dhe ata besojnë se e meritojnë, pavarësisht nëse kjo është e vërtetë. Ata nxjerrin vetëbesim, i cili mund të shndërrohet në arrogancë nëse e lënë egon e tyre t’i pushtojë. Dhe nëse bien, do të ngrihen përsëri dhe do të vazhdojnë më të fortë, sepse nuk u pëlqen të humbasin.
Luani
Nuk është sekret që Luanët e duan veten dhe duan që vëmendja të përqendrohet tek ata. Ata ndihen sikur janë më të mirët nga të gjithë dhe e konsiderojnë arrogancën dhe snobizmin të drejtën e tyre.
Si njerëz që pëlqejnë të jenë në qendër të vëmendjes, nuk ka dyshim se këto shenja zjarri do të kenë një anë paksa… të guximshme. Dhe ndërsa thellë në vetvete ata i bëjnë të gjitha këto më shumë për të marrë konfirmimin, për ata që i rrethojnë duken kokëfortë dhe arrogantë.
Akrepi
Si shenja uji, Akrepat janë shumë emocionalë dhe kanë personalitete komplekse. Ndërsa natyra e tyre misterioze ndonjëherë mund të perceptohet si largësi, në fakt është një pasqyrim i ndjenjave të tij më të thella. Për shkak se nuk hapen lehtë, mund të duken të largëta. Në realitet, ata sillen në këtë mënyrë sepse vlerësojnë situatat dhe njerëzit derisa të kuptojnë se për çfarë bëhet fjalë.
Bricjapi
Bricjapët punëtorë dhe ambiciozë bëjnë gjithçka për të arritur qëllimet e tyre. Është ky fokus që i bën ata të duken të largët. Megjithatë, ata nuk duan të duken snob. Sapo përfshihen në diçka, zhyten aq shumë në të sa nuk shohin asgjë tjetër. Në fakt, vëmendja e tyre është e përqendruar në atë masë sa çdo gjë tjetër u duket e pakuptimtë, veçanërisht nëse nuk i plotëson standardet e tyre shumë të larta.
Virgjëresha
Sado e çuditshme t’ju duket (dhe ndoshta aspak), Virgjëresha është në krye të kësaj liste. Ajo është perfeksionistja e zodiakut dhe, si e tillë, mund të jetë paksa kritike se si i bëjnë gjërat të tjerët. Ata që i përkasin kësaj shenje të horoskopit do i nënvlerësojnë njerëzit pa e kuptuar fare, edhe pse kjo sjellje nuk përkon me karakterin “perfekt” që ata kanë në mendje.
Personaliteti i tyre analitik dhe i përpiktë mund të keqinterpretohet si snobizëm. Ata mendojnë se dinë gjithçka dhe preferojnë të ndalojnë çdo bisedë sesa të dëgjojnë ose pranojnë këndvështrimin e tjetrit. Dhe ndonëse u pëlqen që gjërat të bëhen në një mënyrë të caktuar, thellë brenda vetes, ata duan që ata rreth tyre të jenë vetvetja e tyre më e mirë – për sa kohë që kjo përputhet me pritshmëritë e tyre.
