Filloreta Raçi e njohur si Fifi për pak javë dhe do të sjellë në jetë fëmijën e saj të parë. Së fundmi këngëtarja ka habitur jo pak me disa statuse në Instagram, ku shprehet se nuk ka kaluar një shtatzëni të qetë dhe kjo për faj të komenteve negative që ka marrë.
Jo vetëm kaq, artistja iu kërkoi të gjithëve ta linin të qetë duke shtuar gjithashtua se nuk kishte shkatërruar asnjë familje siç e akuzojnë në rrjet.
“Një histori e shkurtër. Kam menduar që shtatzëninë do e kaloja krejt ndryshe. Me shumë dashuri. Më shumë lule. Më shumë fjalë të bukura. Më shumë mirëkuptim. Më shumë mbështetje. Por jo.
Jam duke e kaluar me shumë stres, me shumë siklet. Me shumë punë. Me shumë gjëra nëpër kokë. Me plot sulme nga njerëzit. Me plot smirë nga të gjitha anët e mundshme dhe më vjen plasja. Krejt çfarë shoh edhe çfarë dëgjoj gjithë kohën është fjala smirë, ofendime, sharje, fyerje dhe torturë.
Dhe absolutisht refuzoj t’u kthejë përgjigje njerëzve që han m** për mua pas shpine e vijnë e më bëjnë lajka.
Kam menduar që njerëzit në përgjithësi para një gruaje shtatzënë (pa dashur të luajë viktimën pasha Allahun) kanë pak empati, zbuten e nuk shfryhen si hienat dhe i mbajnë ca gjëra përbrenda. Po, jo.
Nuk kam ngel me barrë për asnjëri. Kam ngel për veten time. Me e përmbush veten time si njeri dhe me ia dhënë vetes një arsye më shumë që të luftoj në jetë e të krijoj familje.
Unë nuk u shkatërrova asnjë familje. Unë nuk kam ndarë njeri. Kështu e ka shkruar ai lart fatin tim. Unë thjesht dua të bëj një festë për beben time. Të gëzohem që po e sjell në jetë. Më lini pashë të madhin Zot. Mos më mbushni me energji të keqe. Mos më jepni mendime negative. Mos me jepni stres. Më lini ju lutem,”-u shpreh Fifi.
