Ajsi Xhaxhaj prej disa kohësh ka qenë në qendër të vëmendjes mediatike duke u përfolur për jetën e saj private. Fillimisht u aludua se ishte në një lidhje dashurie me regjisorin e njohur Drilon Hoxha, nisur nga fakti që Ajsi postoi në Instagram një foto duke u puthur me të. Por më vonë aktorja sqaroi se kjo foto ishte shkëputur nga filmi më i fundit që ata po xhirojnë.
Ndërkohë që mediat rozë zienin për lidhjen e hamendësuar mes saj dhe Drilonit, Ajsi postoi një foto në Instastory ku na prezantonte me të dashurin e saj.
Çifti shfaqej duke u puthur në Paris, ndërsa aktorja ja kishte mbuluar fytyrën partnerit të saj me një zemër duke na e lënë enigmë identitetin e tij.
Dje Ajsi ka pasur ditëlindjen dhe në këtë ditë të veçantë është surprizuar në mënyrën më të bukur të mundshme. Ajo ka marrë një dhuratë të veçantë nga partneri i saj. Një kuti në formë zemre me trëndafila të kuq dhe trëndafila të bardhë me inicialet e tyre.
“Kur alfabeti përshtatet me ne të dy”, ka shkruar Ajsi referuar inicialeve A dhe B.
Mirëpo kjo nuk ka qenë dhurata e vetme pasi mbi trëndafila është edhe një kuti me një unazë dhe të gjithë po dyshojnë se me siguri Ajsi dje ka marrë një propozim për fejesë.
“Kur ditëlindja të bëhet edhe më e bukur nga gjysma tjetër e shpirtit”, shkruan Ajsi sipër fotos.
