Ka kaluar rreth një javë që kur Noizy solli “Digital Love”.
Ndryshe nga sa jemi mësuar ta shohim reperin, me këtë projekt ai erdhi ndryshe, duke i kënduar dashurisë. Kënga flet për një histori romantike tipike të ditëve të sotme, të varur nga teknologjia, që është kanali i vetëm i komunikimit, ku edhe përjetohen emocionet dhe ulje-ngritjet e një marrëdhënie.
Megjithatë, ai na kishte premtuar në fillim të verës se kjo do ishte vera e surprizave dhe paska patur të drejtë.
Noizy ka publikuar ditën e sotme një videoklip që as nuk e prisnim. Kënga titullohet “Party turn up”, (KLIKO) dhe karakterizohet nga ngjyrat verore dhe duket se do i shtohet listës së hiteve.
Disa javë më parë, Noizy solli super bashkëpunimin me dy reperët e njohur Gzuz dhe Dutchavelli, të titulluar “All dem talk” që rezultoi një sukses i vërtetë.
Kujtojmë se javë më parë ai ka lajmëruar se do rikthehet në Britaninë e Madhe ‘për të marrë atë që ka lënë pas’.
Është ende e paqartë se çfarë ka ndërmend të bëjë reperi dhe cilat janë arsyet e rikthimit të tij në ishullin anglez, por një mundësi është që të punojë për muzikën dhe të risjellë gjëra edhe më të bukura.
Në intervistën e tij të fundit “Në kurthin e Piter Pan” reperi i njohur tha se ka ndërmend të punojë për tregun ndërkombëtar dhe si duket ka ardhur momenti, ndonëse ai ka depërtuar tashmë me hitet e tij.
Epo le të presim për lajme të reja.
