Mozzik publikoi më 31 korrik albumin e tij të titulluar “MozzArt”, që përmban 20 këngë dhe deri tani po bën goxha bujë dhe është pritur shumë mirë nga fansat.
Pjesë e MozzArt është dhe bashkëpunimi me Tayna-n dhe Unikkatil-in: Hana, Glock, Stari i Mahallës, Dhelpër dinake, Zemra ime, Shqiptar, Boss, Louis Vuitton, Sirena, Madonna, Auf Wiedersehen, Tom and Jerry, Weiss, Baby, Nokia, Lass mal, Kërkun, Veq njo, Kaniher, Kur thojshe.
Nga këto këngë, janë publikuar më herët: Glock, Stari i mahallës, Dhelpër dinake, Zemra ime, Shqiptar, Madonna, Auf Wiedersehen, Baby, Lass mal, Veq njo
Ndërkohë, vlen të veçohet edhe bashkëpunini i dytë i Mozzik me Kidën i titulluar “Kërkun” dhe bashkëpunimi i tij me të vëllain, Getinjo, për këngën “Sirena”.
Ndër të tjera, kënga që tërhoqi më shumë vëmendje është ajo që reperi ia dedikon të bijës, e titulluar “Hana”, ku ka shpalosur të gjitha ndjesitë e të qenurit baba dhe dashurinë që gëzon për të voglën e tij.
E në këtë këngë nuk kishte si të mungonte Loredana, që i dha jetë frytit të tyre të dashurisë. Mozzik shkruan për shqetësimet e para që reperja ka patur në fillim të shtatzënisë dhe ndër të tjera thotë se në ato momente ndodhej në Dusseldorf dhe nuk e dinte ku ishte spitali.(Lexo këtu)
Ndërkohë, Mozzik ka dhënë sot lajmin më të mirë për fansat e tij, duke njoftuar në Instagram përmes një statusi se do të shpërndajë 30 mijë CD në 7 qytete të Kosovës falas, për shkak të krizës që ka shkaktuar Covid-19.
Autori i hitit “Madonna” kërkon nga fansat të kenë maskat dhe dorëza për shkak të Covid-19, teksa shprehet se e gjithë kjo po bëhet në shenjë respekti të atyre që vazhdojnë ta përkrahin reperin.
https://www.instagram.com/p/CDg_VQ2lkSd/?igshid=13y3mzdga1orj
