Nuk ka vetëm një Beyonce! Helly Luv njihet si Beyonce-ja kurdë, për zërin e fuqishëm dhe për bukurinë fizike. Ajo është e famshme për këngët e saj në mbështetje të luftëtarëve peshmerga, të cilat e kanë kthyer në shënjestrën e njerëzve të kreut të ISIS-it, Abu Baker al Bagdadi. Muzika është arma me të cilin Helly lufton për të mbrojtur popullin e saj.
Në rajonin kurd të Irakut, këngëtarja është kthyer gati në simbol. “Ajo është ylli ynë”, i tha “Corriere Della Sera”-s përgjegjësi i hotelit me të blinduar të Irbilit, “Rotana”, ku Helly qëndron shpesh.
“Kam lindur në 1988-n gjatë luftës së Gjirit”, ka rrëfyer ajo. Ishte shumë e vogël kur u largua prej andej me familjen duke përfunduar në një kamp refugjatësh në Turqi.
Prej aty lëvizi në Finlandë dhe në moshën 18-vjeçare, vendos të shkojë në Los Angeles.
“Isha këtu në Irbil kur ISIS-i sulmoi për herë të parë”, kujton këngëtarja kurde me origjinë iraniane, e cila iu përgjigjej me videoklipin “Revolution” dhunës së shfrenuar të ekstremistëve.
Aty shfaqet duke luftuar xhihadistët me një dekolte të florinjtë dhe flokë të kuqe flakë. Për militantët e Shtetit Islamik këngëtarja përfaqëson një “fyerje për gratë”.
“Më duan të vdekur”, thotë Luv. Por pavarësisht kërcënimeve pafund, ISIS-i nuk e tremb.
Burimi: Corriere Della Sera
