Këtë vit do të përfshihemi nga ethet e Botërorit i cili do të mbahet në Qatar.
Një nga momentet më të rëndësishme të këtij eventi është ceremonia e hapjes, të cilës i kushtohet një vëmendje e madhe.
Kjo ceremoni do të mbahet me 20 nëntor në stadiumin “Al Bayt“ në qytetin Jor në orën 19:00 me orën lokale të Qatar-it.
Këtë hapje e bën më të rëndësishme edhe këngëtarët e njohur që performojnë këngën që më pas kthehet në një hit. Këtë vit ende nuk dihet zyrtarisht se cilët do të jenë këngëtarët, megjithatë FIFA pret të vulosë pjesëmarrjen e grupit BTS dhe sipas mediave të huaja, Shakira mund të jetë sërish në ceremoninë e hapjes.
Por, kjo nuk është surpriza e vetme! Po përflitet se këngëtarja kolumbiane do t’a hapë Kupën e Botës jo vetëm me grupin korean, por edhe me artisten e mirënjohur me origjinë shqiptare, Dua Lipën.
FIFA nuk e ka konfirmuar ende lajmin, por thashethemet kanë filluar të përhapen dhe fansat tashmë po imagjinojnë se sa spektakolar do të jetë shfaqja para ndeshjes Qatar-Ekuador, e para e turneut.
Epo ku ka zë, nuk është pa gjë! Dhe ne të gjithë shpresojmë ta shohim yllin shqiptar, pse jo krahas Shakirës.
