Ndërsa motra e saj Marina bën qejf në Barbados, Luana rri në shtëpi.
Moderatorja nuk ka qenë aktive si verat e kaluara me fotot me bikini këtë verë, edhe pse s’na la pa një foto superseksi me rroba banjo të zeza.
Sot, Luana tregoi në Instagram arsyen e vërtetë përse nuk është me pushime si shumë vajza të tjera të famshme.
Ajo publikoi një foto në studion e produksionit të këngëve duke shkruajtur:
“E vërteta është… Kjo ka qenë Maldivet për mua këto kohë.” Dhe në hashtag: “Studio gjithë ditën, çdo ditë”.
Në fakt, Luana ka qenë më aktive se kurrë në muzikë këtë verë; në maj, ajo publikoi një bashkëpunim me këngëtarin e njohur të muzikës popullore, Dani, “Sonte”.
Në qershor, një bashkëpunim me grupin e njohur “TNT”, ripërpunimin e këngës së famshme “Moj bjondinë me sytë e zinj”.
Ndërsa shumë shpejt pritet të publikojë bashkëpunimin me Fifin, me të cilën ka bashkëpunuar edhe më parë pasi kantautorja ka krijuar disa nga këngët e Luanës, si “Sonte”.
